قصيدة بمناسبة ولادة الامام الحسن عليه السلام

نورك يالحسن نـوريـن ----- نص يمك ونـص لحـسين
قسمه وصارت بوحده ----- العـندك يالحسن عـنده
ويـاهـو الگال أنـتـو أثـنين
*******************
ياهـو الگـال أنـتـو أثـنـيــن نـورك يـالحسن نـوره
نـفس الجسد نـفس الـروح نفس الشكل والصوره
أنـتـو أثـنـيـن بـس واحـد ودورك يـالحـسن دوره
روح وجسد چان وياك ------ شنطه للحسين أنـطــاك
ياهـو الگال مخـتـلفـيـن
*******************
ياهـو الـگـال أنـتـو أثنين أنـتـو يالحسن شمعــه
نص من حيدر الكرار نص من فاطمه البـضـعـه
ميلادك فـرح واعـيــاد بيـها الناس مجــتـمـعــه
كـلها اتبارك الميــلاد ------ ياريــت بـفـرح ينعاد
هذا المحـفـل بكل حين
***************
ياهـو الگال أنـتـو أثـنـين أنـتـو يـالحــسن آيـــــه
وانـتـو حـجـه عالاسلام وانـتـو الهـدف والـغـايـه
وانتو الشرف وانتو الدين وانتو اعله الامم رايـه
وانـتـو قــادة الثـوار ------ أولاد النبي المخـتـار
وبنهــج النبي ماشين
*****************
ياهـو الگال أنـتـو أثـنـيـن أنـتـو من نسل حـيــدر
واحـد يعـني بالتكـويـن واحـد يـعـني بـالمـصــدر
وأمكم من عـطـايـه الله خصها الباري بـالكـوثـر
أنتو وفاطمه الانوار ------ والوالد علي الكرار
ويسمـو أبــو الحسنين
***************
ياهـو الگال أنـتـو أثـنـيـن أنـتـو يـالحسن واحــد
اماميـن ونــعـم من گال هــذا المصـدر وشـاهـــد
جــدكـم گــال اذا قـائـم واحــدكـم واذا قــــــاعــد
إمامين العدل والجود ------- ما تحتاج هاي شهود
الشاهـد سيد الكـونـيـن